Меросхўр Ямал ва Кабо-Верде мўжизаси: ЖЧ-2026 финалига оид ажойиб фактлар

Футбол олами сўнгги йилларнинг энг интиқиб кутилган ва тарихий воқеаси арафасида турибди. ЖЧ-2026 ҳал қилувчи финалида футбол афсоналаридан бири Лионел Месси ва унинг издоши дея э’тироф этилаётган ёш иқтидор эгаси Ламин Ямал ўзаро тўқнаш келади. Бу шунчаки икки қит’а гегемонларининг жанги эмас, балки кўплаб рекордлар, ақл бовар қилмас тасодифлар ва авлодлар тўқнашувини ўзида жамлаган супер финалдир. Э’тиборингизга ушбу қарама-қаршилик олдидан э’лон қилинган энг қизиқарли 9 та фактни ҳавола этамиз:

1. Ноёб рекорд остонасидаги ЯмалИспаниялик иқтидор эгаси яқиндагина 19 ёшни қаршилади. Агар бугун Испания Аргентина устидан ғалаба қозонса, Ямал ҳам мундиалда, ҳам Европа чемпионатида зафар қучган тарихдаги энг ёш футболчига айланади.

2. Месси ва Ямал қарама-қаршилигиЛионел Месси ва Ламин Ямал шу пайтга қадар футбол майдонида умуман тўқнаш келмаган. Уларнинг илк жанги тўғридан тўғри мундиал финалига тўғри келмоқда! Бу жуфтликка бўлган ўзгача э’тибор фақатгина уларнинг ўз жамоалари етакчиси эканлиги ёки “Олтин тўп”га асосий да’вогарлиги билан боғлиқ эмас. Ма’лумки, ёш Месси 2008-йилги хайрия календари учун чақалоқ Ямални чўмилтираётган ҳолатда суратга тушган эди.Орадан 16 йил ўтиб, ушбу сурат чинакам тарихга айланди. Ҳозирда эса кўпчилик Ямални айнан Мессининг меросхўри деб атамоқда.

3. Испаниянинг мағлубияциз серияси ва Аргентинанинг тарихий имконияти

Испания терма жамоаси жорий асрдаги финалларда бирор марта ҳам мағлубиятга учрамаган. “Қизил фурия” ХХИ асрда уч марта Европа чемпиони бўлди (2008, 2012, 2024), 2010-йилда эса ЖЧ ҳал қилувчи баҳсида Нидерландияни таслим этганди. Ўз навбатида, сўнгги тўртта мундиалнинг учтасида финалга чиққан Аргентина бу ан’анани бузишга шай. Агар Ню-Ёркдаги баҳс Аргентина фойдасига ҳал бўлса, жамоа кетма-кет иккита Жаҳон чемпионатини ютган тарихда учинчи терма жамоага айланади (бунгача фақат Италия ва Бразилия бунга эришган).

4. “Реал Мадрид” учун даҳшатли туш

Ушбу финал Мадриднинг “Реал” клуби мухлислари учун худди даҳшатли туш кабидир. Биринчидан, Испания ЖЧ-2026 га “қаймоқранглилар”нинг бирорта ҳам футболчисисиз ташриф буюрган бўлса(Шуни ҳам та’кидлаш керакки, ҳозирда Испания терма жамоаси ҳимоячиси Марк Кукуреля “қироллик клуби” а’зоси ҳисобланади, аммо футболчи мадридликлар билан айнан ЖЧ бошлангандан кейин шартнома имзолади), бугун Ямал бошчилигидаги “Барселона”нинг 8 нафар вакили жаҳон чемпионига айланиши мумкин.

5. Ягона расмий тўқнашувЖамоалар расмий учрашувларда атиги бир марта куч синашган. ЖЧ-1966 гуруҳ босқичида испанлар “оқ-мовийлар”ни 2:1 ҳисобида мағлуб этган.

6. Мураббийлар дуели

Финалда нафақат футболчилар, балки мураббийлар — Луис де ла Фуенте ва Лионел Скалони ўртасидаги қизиқарли тактик тўқнашувга ҳам гувоҳ бўламиз. Испанлар устози ҳам Жаҳон, ҳам Европа чемпионатида зафар қучган учинчи мураббийга айланиши мумкин (бунгача Хелмут Шён ва Висенте дел Боске бунга эришган). Скалони ҳам ажойиб натижа остонасида турибди: шу пайтгача фақатгина италиялик Витторио Поззо (1930-йилларда) терма жамоаси билан икки марта мундиал ғолиблигини қўлга киритган.

7. Тўпурарлар пойгасиТурнирнинг энг яхши тўпурари ким бўлади? Ҳозирча Мессининг ҳисобида 8 та гол ва 4 та ассист мавжуд. Бронза медаллари учун ўтган Англияга қарши баҳсда қатнашган франсиялик Килиан Мбаппенинг ҳисобида эса 10 та гол ва 4 та голли узатма бор. Шундай қилиб, ҳозирча Мбаппе етакчи, аммо Месси финалда майдонга тушишини ҳисобга олсак, бу кураш ҳали давом этади.

8. Кабо-Верде мўжизасиҚизиқ томони шундаки, на Испания ва на Аргентина турнирнинг асосий сенсацияси бўлган Кабо-Верде терма жамоасини асосий вақтда енга олган. Африкаликлар биринчи турда испанларга муносиб қаршилик кўрсатган бўлса (40 ёшли дарвозабон Возинянинг супер ўйини туфайли 0:0), 1/16 финалда аргентиналиклар билан ҳақиқий жанг олиб борган (3:2).

9. Рейтинг етакчилари тўқнашувиЖаҳон чемпионатлари финаллари тарихида ҳеч қачон ФИФА рейтингининг мутлақ пешқадамлари ўзаро тўқнаш келмаган эди. Айни пайтда ушбу рўйхатда Аргентина терма жамоаси биринчи, испанлар эса иккинчи ўринни банд этиб турибди.

Эслатиб ўтамиз, Испания ва Аргентина терма жамоалари ўртасидаги ЖЧ-2026 финал учрашуви бугун, 19-июлдан 20-июлга ўтар кечаси Тошкент вақти билан соат 00:00 да АҚШнинг Ню-Ёрк шаҳридаги “Метлайф” стадионида старт олади.